Avijakampanii Lufthansa, SAS, Austrian Airlines i Swiss admianili rejsy va Ukrainu
Avijakampanii Lufthansa, SAS, Austrian Airlines i Swiss admianili rejsy va Ukrainu z-za pahroz biaśpieki.
20.02.2022 / 21:46
Fota: Reuters
Skandynaŭskaja avijakampanija SAS nie budzie lotać u pavietranaj prastory Ukrainy da 27 lutaha, a pastanova ab rejsie 1 sakavika budzie pryniataja paźniej, dadaŭ pradstaŭnik SAS.
Aŭstryjskaja avijakampanija Austrian Airlines i šviedskaja Swiss International Air Lines (Swiss) abviaścili pra spynieńnie bolšaści rejsaŭ va Ukrainu na fonie rostu napružanaści ŭ rehijonie.
Austrian Airlines lotaje z Vieny ŭ Kijeŭ, Lvoŭ i Adesu. Avijakampanija paviedamiła, što spyniajuć rejsy ŭ Kijeŭ i Adesu da kanca lutaha. Rejsy Viena — Lvoŭ avijakampanija praciahnie ŭ zvyčajnym režymie.
Swiss prypynić paloty pa adzinym maršrucie va Ukrainu Kijeŭ — Ciurych z 21 pa 28 lutaha. U avijakampanii padkreślili, što taksama admovilisia ad vykarystańnia pavietranaj prastory Ukrainy dla tranzitnych rejsaŭ.
Niamieckaja avijakampanija Lufthansa raniej prypyniła ŭsie rejsy ŭ Kijeŭ i z Kijeva z 21 pa 28 lutaha. Raniej ab spynieńni palotaŭ va Ukrainu abjaŭlali avijakampanija Norwegian i niderłandskaja KLM.