Лукашэнка абверг уласныя словы пра тое, што Беларусь гатовая размясціць у сябе «звышядзерную» зброю
Лукашэнка каля 80 хвілін гаварыў па тэлефоне з прэзідэнтам Францыі Эманюэлем Макронам, сцвярджае ягоная прэс-служба.
26.02.2022 / 23:45
Адна з тэм размовы тычылася ўзбраенняў, у тым ліку гаворка ішла аб ядзернай зброі і магчымым размяшчэнні яе ў Беларусі. Лукашэнка сказаў, што гэта «фэйк».
Нагадаем, яшчэ не так даўно Лукашэнка заяўляў наступнае:
«У выпадку неабходнасці, калі такія бесталковыя, дурныя крокі распачнуць нашы праціўнікі і супернікі, мы размесцім не толькі ядзерную зброю, але і яшчэ звышядзерную, перспектыўную, для таго каб абараніць сваю тэрыторыю», — заявіў тады беларускі палітык.