Брэсцкі «Рух» зняўся з чэмпіянату Беларусі па футболе
Беларускі журналіст Мікалай Іваноў паведаміў у сваім тэлеграм-канале, што, па яго інфармацыі, брэсцкі «Рух» зняўся з чэмпіянату краіны.
28.02.2022 / 16:50
vk.com/fcrukh
«Футбалісты і трэнеры ў пошуку новых клубаў», — напісаў Іваноў.
Пазней «Рух» паведаміў, што расійская кампанія, якая кіруе клубам, не мае цяпер магчымасці патрэбнага фінансавання для ўдзелу ў вышэйшай лізе, таму клуб у ёй удзельнічаць не будзе.
Вядома, што з «Рухам» звязаны бізнэсмен Аляксандр Зайцаў, які трапіў пад санкцыі ЕС і ЗША.
У сезоне-2021 «Рух» заняў пятае месца ў вышэйшай лізе. Новы сезон чэмпіянату Беларусі павінен стартаваць 19 сакавіка.