Pasła Biełarusi vyklikali ŭ MZS Małdovy. Pryčyna ŭ karcie, jakuju Łukašenka pakazaŭ na pasiadžeńni Rady biaśpieki
Ministerstva zamiežnych spraŭ Małdovy terminova vyklikała da siabie pasła Biełarusi z-za vajennaj karty, jak miarkujecca, rasijskaha ŭvarvańnia va Ukrainu, jakuju prademanstravaŭ 1 sakavika Alaksandr Łukašenka na naradzie Rady biaśpieki.
02.03.2022 / 17:48
Karta, pakazanaja Łukašenkam, vyklikała šmat pytańniaŭ u dypłamataŭ i palitykaŭ Małdovy. U pieršuju čarhu tamu, što adna sa strełak na joj, jakimi mohuć być abaznačanyja kirunki napadzieńnia, pakazvała na niepryznanuju Prydniastroŭskuju Małdaŭskuju Respubliku.
«Padčas razmovy ź dziaržsakratarom MZS Rusłanam Bałbačanam pasoł Anatol Kalinin adznačyŭ, što havorka idzie ab niapravilnaj interpretacyi infarmacyi słužbovymi asobami Minabarony Respubliki Biełaruś. Pry hetym dziaržsakratar padkreśliŭ nieabchodnaść publičnaha ŭmiašańnia z boku pasolstva, jakoje dazvoliła b zmahacca z pamyłkami, raspaŭsiudžanymi ŭ hramadstvie», — adznačyła MZS Małdovy.
***
1 sakavika Łukašenka pakazaŭ Radzie biaśpieki kartu Biełarusi, Ukrainy i Rasii. Jak bačna, na joj byli pakazanyja napramki napadu rasijskaj armii na Ukrainu. Na karcie jość strełki, nakiravanyja na terytoryju Ukrainy. Adna sa strełak pačynajecca ŭ Čornym mory i zakančvajecca na terytoryi Małdovy.