Fiederacyja ciažkaj atletyki adchiliła biełarusaŭ ad mižnarodnych spabornictvaŭ
Mižnarodnaja fiederacyja ciažkaj atletyki (IWF) abviaściła, što adchilaje spartśmienaŭ ź Biełarusi i Rasii ad mižnarodnych spabornictvaŭ. Hetaje rašeńnie było pryniataje na fonie vajny va Ukrainie.
04.03.2022 / 10:10
U pres-relizie ITF havorycca, što Fiederacyja padtrymlivaje rekamiendacyju Mižnarodnaha alimpijskaha kamiteta, jaki rekamiendavaŭ spartovym fiederacyjam nie dapuskać biełaruskich i rasijskich spartoŭcaŭ da ŭdziełu ŭ mižnarodnych spabornictvach.
U IWF adznačyli, što «asudžajuć uvarvańnie Rasii va Ukrainu».
«Vykanaŭčaja rada IWF vyrašyła prypynić udzieł usich spartśmienaŭ, aficyjnych asob i techničnych pradstaŭnikoŭ Rasii i Biełarusi ŭ lubych mižnarodnych spabornictvach pa ciažkaj atletycy. Akramia taho, u hetych krainach nie buduć pravodzicca mierapryjemstvy pad ehidaj IWF», — paviedamili ŭ fiederacyi.
U IWF nazvali pryniatyja miery previentyŭnymi i nakiravanymi «na zachavańnie cełasnaści sportu», a taksama na abaronu biaśpieki ŭsich spartśmienaŭ sa zhadanych krain.