Што кажуць калегі пра чыгуначніка, затрыманага па акце тэрарызму
Днямі МУС паведаміла, што за падрыхтоўку акта тэрарызму затрымалі 49-гадовага работніка чыгункі. Па словах ведамства, з лютага па сакавік мужчына планаваў дыверсію: збіраўся вывесці са строю сістэмы, якія адказваюць за бяспеку руху на чыгунцы. Але як расказваюць калегі затрыманага, прычынай арышту магло стаць іншае.
08.03.2022 / 18:15
Скрыншот з відэа МУС
Мужчыну, пра якога вядзецца гаворка, завуць Сяргей Канавалаў, піша стачкам. Ён працуе ў віцебскім аддзяленні чыгункі, спецыяльнасць звязаная з электрасувяззю. Затрымалі яго 6 сакавіка.
А напярэдадні ў мужчыны быў канфлікт з намеснікам начальніка станцыі сігналізацыі і сувязі па ідэалогіі, былым начальнікам транспартнай міліцыі. Верагодна, той мог дакласці на Канавалава ў органы як на дыверсанта.
На чыгунцы заўважаюць, што віцебчук не працаваў на перагонах, толькі ў будынку.
На Канавалава завялі крымінальную справу за падрыхтоўку да акту тэрарызму.