Staršynia niezaležnaha prafsajuza «Naftan» pajšła ŭžo na trecija 15 sutak zapar
Staršynia niezaležnaha prafsajuza «Naftana» Volha Brycikava asudžanaja na treci 15-sutkavy termin zapar, paviedamlajuć pravaabaroncy. Hetym razam — za papierki na voknach.
10.03.2022 / 21:12
Volhu Brycikavu zatrymali ŭ Navapołacku 27 lutaha na vybarčym učastku. Jaje abvinavacili ŭ tym, što jana sfatahrafavała biuleteń. U vyniku, sud pakaraŭ jaje 15-sutačnym aryštam.
Praź niekalki dzion nad Volhaj adbyŭsia ŭžo druhi sud. Joj pryznačyli jašče 15 sutak za antyvajennuju vopratku.
Siońnia stała viadoma, što jaje znoŭ asudzili. Pa papiaredniaj infarmacyi, hetym razam Volhu sudzili za papiery z nadpisam «Nie vajnie» na voknach. Vynik — čarhovyja 15 sutak. Ahułam Brycikava praviadzie za kratami jak minimum 45 sutak. Aryšt jana adbyvaje ŭ časovym izalatary horada Ušačy.
U biełaruskich izalataraŭ dla administracyjnych zatrymanych pa palityčnych matyvach naŭmysna stvarajucca nialudskija ŭmovy ŭtrymańnia, heta faktyčna katoŭni.