Premjery Polščy, Słavienii i Čechii ŭžo va Ukrainie
Ciahnik z premjer-ministram Polščy Matevušam Maravieckim, vice-premjeram Jarasłavam Kačyńskim i premjer-ministrami Słavienii i Čechii ŭžo pierasiek polska-ukrainskuju miažu i nakiroŭvajecca ŭ Kijeŭ, paviedamiŭ kiraŭnik kancylaryi premjer-ministra Polščy Michał Dvorčyk.
15.03.2022 / 12:56
Vystup Uładzimira Zialenskaha pierad deputatami Polščy. Fota: @PremierRP / Twitter
Jon taksama raspavioŭ, što vizit rychtavaŭsia šmat dzion, ale zachoŭvaŭsia ŭ strohaj tajamnicy.
«Na viersalskim samicie byli pryniatyja pryncypovyja rašeńni adnosna pajezdki va Ukrainu. Tady premjer-ministr Polščy Maraviecki ŭ kaardynacyi ź vice-premjeram Kačyńskim padrychtavaŭ hety vizit, jaki siońnia pačynajecca. My nie možam dazvolić rasijanam praciahvać hetuju złačynnuju dziejnaść va Ukrainie», ‒ skazaŭ Dvorčyk.
Taksama polski palityk paviedamiŭ, što ŭ Kijevie zapłanavanaja sumiesnaja kanfierencyja premjer-ministraŭ Polščy, Čechii, Słavienii i Ukrainy. Akramia mocnaha sihnału ab padtrymcy z boku ŭsiaho Jeŭrasajuza vajuiučaj Ukrainy, kiraŭniki ŭradaŭ pradstaviać pakiet kankretnaj padtrymki.