Na litoŭska-polskaj miažy zatrymali furu ź biełaruskimi kantrabandnymi cyharetami na dva miljony jeŭra
Aficery kryminalnaj słužby mytni Litvy ŭviečary 13 sakavika praviarali hruzaviki na miažy z Polščaj kala byłoha pamiežnaha punkta Kalvaryja. U adnoj z fur vyjavili bujny hruz biełaruskich kantrabandnych cyharet.
17.03.2022 / 08:34
Hruzavik jechaŭ z Estonii ŭ Polšču i pa dakumientach pieravoziŭ 23 tony kieramzitu.
Adnak kali mytniki zazirnuli ŭ kuzaŭ, to zamiest kieramzitu vyjavili ŭ miaškach karobki z cyharetami. Usiaho było znojdziena, pavodle papiaredniaj infarmacyi, kala 500 tys. pačkaŭ. Košt hruzu z ulikam padatkaŭ skłaŭ kala 2 młn. jeŭra.