Zatrymana kiraŭnictva banka BiełVEB, u tym liku Vasil Maciušeŭski
Pa infarmacyi «Naša Niva», zatrymany staršynia praŭleńnia BiełVEBa Vasil Maciušeŭski i ŭsio kiraŭnictva banka.
29.03.2022 / 15:07
Vasil Maciušeŭski. Fota Siarhieja Hudzilina
Siońnia a 7-j ranku da ich pryjšoŭ Departamient finansavych rasśledavańniaŭ.
Vasil Maciušeŭski — były vice-premjer i adna z klučavych postaciaŭ u biełaruskich biznes-kołach.
Siarod zatrymanych taksama pieršy namieśnik Maciušeŭskaha Taras Nadolny, namieśniki staršyni Anatol Barysievič, Viktar Pierapialica i Dźmitryj Laŭdanski, člen praŭleńnia Anatol Paŭłovič i dyrektar pa raźvićci banka Alaksiej Mazžuchin.
Bank «BiełVEB» — heta dačynnaja struktura rasijskaha «Vniešekanombanka». «BiełVEB» uvachodzić u vialikuju siamiorku biełaruskich bankaŭ i kredytuje, u asnoŭnym, dziaržaŭnyja biełaruskija pradpryjemstvy.
Vasil Maciušeŭski — pavažanaja fihura ŭ bankaŭskich kołach. Z 2014 pa 2018 jon byŭ vice-premjeram va ŭradzie Kabiakova.
Padrabiaznaści čytajcie ŭ «Našaj Nivie» paźniej.