Łukašenkaŭski ekśpiert: Ni ŭ jakim razie Pucinu nielha sustrakacca z Zialenskim
Adzin z najbolš adyjoznych prapahandystaŭ-«ekśpiertaŭ» z atačeńnia Łukašenki Alaksiej Dzierman, jaki daŭno siabie pazicyjanuje jak hłašataj «ruskaha śvietu» ŭ Biełarusi (u naźvie telehram-kanała, darečy, padpisvajecca jak DZierman), vykazaŭsia kateharyčna suprać mahčymaj sustrečy Zialenskaha z Pucinym. A dla arhumientacyi svajoj dumki źviarnuŭsia nie da racyjanalnych, a da mistyčnych arhumientaŭ.
29.03.2022 / 17:05
Alaksiej Dzierman.
Pavodle Dziermana, «kiraŭnik u Rasii zaŭsiody ŭsprymaŭsia jak sakralnaja fihura, jon nie prosta kniaź, car, hienieralny sakratar ci prezident. Jon kasmakratar, jaki kiruje našym śvietam. Što b tam chto ni kazaŭ, ale dla hłybinnaha naroda heta tak. Pucin — praciah hetaj tradycyi i jaje ŭvasableńnie».
Zialenski ž, na dumku biełaruskaha prychilnika «ruskaha śvietu», «jaje antypod, prafanny pajac, błazan, parodyja na cara. Jaho śpiecyjalna takim stvaryli dla razbureńnia tradycyjnych ruskich palityčnych struktur».
I mienavita tamu, na dumku Dziermana, «ni ŭ jakim razie ź im nielha sustrakacca, padpisvać jakija-niebudź dahavory. Heta budzie prymianšeńnie, prafanacyja sakralnaj ułady. A kali heta dapuścić, abryniecca ŭsia kraina».