Džo Bajden zabaraniŭ u ZŠA linčavańnie
Hety zakon sprabavali pryniać z 1900 hoda.
30.03.2022 / 08:21
U ZŠA na fiederalnym uzroŭni pryznali linčavańnie asobnym kryminalnym złačynstvam.
Adpaviedny zakonaprajekt, uchvaleny abiedźviuma pałatami Kanhresa, padpisaŭ prezident ZŠA Džo Bajden. Dakumient praduhledžvaje da 30 hadoŭ pazbaŭleńnia voli za vypadki linčavańnia, u jakich achviara była surjozna paranienaja ci zahinuła.
U apošnija dziesiacihoddzi bolš za 200 sprob pryznać linčavańnie asobnym kryminalnym złačynstvam ciarpieli niaŭdaču. Upieršyniu taki zakonaprajekt pradstaviŭ u studzieni 1900 hoda Džordž Hienry Uajt, u toj čas — adziny čarnaskury kanhreśmien.
Linčavańniem nazyvajuć zabojstva čałavieka, jaki padazrajecca ŭ złačynstvie, biez suda i śledstva, zvyčajna vuličnym natoŭpam i praz paviešańnie.