Homielskija taksisty: Ruskija šukajuć, chto b davioz dabro da Pskoŭskaj vobłaści, dajuć 200 dalaraŭ
Jak raskazali «Našaj Nivie» niekalki homielskich taksistaŭ, u horadzie nazirajecca śpiecyfičny popyt na pasłuhi taksi. Rasijskija vajskoŭcy damaŭlajucca na dastaŭku elektroniki i asabistych rečaŭ u Pskoŭskuju dy inšyja vobłaści Rasii.
03.04.2022 / 12:40
«U Jandeks.Taksi kožny dzień praskokvajuć zamovy ŭ Pskoŭ z dapiskaj «dastaŭka rečaŭ». Sprabujuć damaŭlacca taksama na miescy — hatovyja płacić 200 dołaraŭ», — kaža homielski taksist.
Pa jaho słovach, bolšaść admaŭlajecca.
«Ale dapuskaju, što jość padonki, jakija pahadžajucca vieźci. Choć moža niekatoryja nie zadumvajucca, adkul heta. A adkul jano moža być? Nakrali. Mahaziny ž tam zakrytyja, a jany pruć karobkami».