Na Maryju Kaleśnikavu akazvajecca ŭ kałonii cisk, jaje pazbavili prava na doŭhaje spatkańnie z baćkam
Administracyja homielskaj kałonii moža druhi raz za tydzień nakłaści spahnańnie na asudžanuju na 11 hadoŭ Maryju Kaleśnikavu
06.04.2022 / 08:25
30 sakavika Maryju Kaleśnikavu pazbavili prava na doŭhaje spatkańnie z baćkam. Sa słoŭ Maryi, padstavaj dla spahnańnia pasłužyŭ nibyta niavietlivy zvarot da supracoŭnika kałonii paśla spatkańnia z advakatam 24 sakavika, paviedamlaje «Novy čas».
Siońnia, 6 krasavika, adbudziecca pasiadžeńnie kamisii VK-4 u dačynieńni da Maryi. Nibyta jana «pierabivała» načalnika kałonii padčas pracedury nakładańnia papiaredniaha spahnańnia.
U zaležnaści ad taho, ci budzie nakładzienaje spahnańnie i jakoj strohaści, mahčymaja situacyja,
pry jakoj Maryja budzie pryznanaja złosnaj parušalnicaj paradku adbyćcia pakarańnia. A heta moža paciahnuć pieravod u turmu abo źmiaščeńnie ŭ pamiaškańnie kamiernaha typu.