U Stolinskim rajonie ŭpali abłomki kryłataj rakiety, žychary paviedamlajuć, što čuli vybuch
Siońnia paśla 11:00 žychary viosak Cierabličy, Azdamičy i Alhomiel (Bresckaja vobłaść) čuli mocny huł, a paśla vybuch i bačyli dym.
07.04.2022 / 15:20
Paźniej u sacsietkach źjavilisia fatahrafii abłomkaŭ latalnaha aparata, znojdzienyja ŭ hetym rajonie, paviedamlaje @motolkohelp.
Miarkujučy pa fatahrafijach, heta moža być małahabarytny turbareaktyŭny ruchavik sieryi TRDD (turbareaktyŭny dvuchkonturny ruchavik), jaki vykarystoŭvajecca ŭ rasijskich kryłatych rakietach typu «Kalibr», R-500 i inšych.
Adznačym, što da hetaha ŭ 10:57 i 11:00 z vajennaha aeradroma ŭ Baranavičach pajšli na ŭźlot ŭ bok Ukrainy dva vajennyja samaloty.