Rasijskija vobłaści, pamiežnyja z Ukrainaj, adna za adnoj abviaščajuć pavyšany ŭzrovień terarystyčnaj niebiaśpieki
Na dadzieny momant usie pamiežnyja z Ukrainaj vobłaści Rasii (Biełharadskaja, Branskaja, Kurskaja i Varoniežskaja), a taksama paŭnočnyja rajony Kryma i pryazoŭskija rajony Krasnadarskaha kraja ŭžo ŭviali žoŭty (pavyšany) uzrovień terarystyčnaj niebiaśpieki. Vyklučeńnie — Rastoŭskaja vobłaść, jakaja ŭvodzić žoŭty ŭzrovień pakul što admoviłasia.
11.04.2022 / 20:10
U Kurskaj vobłaści «žoŭty» ŭzrovień terarystyčnaj niebiaśpieki miascovyja ŭłady ŭviali jašče ŭčora.
Žoŭty ŭzrovień — druhi pa ŭstalavanaj škale. Usiaho ich 3: pavyšany — sini, vysoki — žoŭty i apošni, krytyčny — čyrvony. Žoŭty ŭzrovień uvodzicca «pry najaŭnaści pacvierdžanaj infarmacyi pra realnuju mahčymaść ździajśnieńnia terarystyčnaha akta».
Siońnia da kurskich kalehaŭ dałučylisia ŭłady Branskaj i Biełharadskaj abłaściej, uvioŭšy takija ž samyja abmiežavańni i ŭ siabie. Žycharam hetych rehijonaŭ rekamiendavałi źviartać uvahu na nieznajomych ludziej i pryparkavanyja kala damoŭ aŭtamabili, ustrymacca ad naviedvańnia ludnych miescaŭ, a taksama zaŭsiody nasić z saboj pašpart.
Akramia taho, u Biełharadskaj vobłaści žycharam zabaranili zapuskać pietardy, fiejervierki i saluty. «Kab nie pałochać ludziej lišnimi hučnymi hukami», — rastłumačyŭ kiraŭnik rehijona Viačasłaŭ Hładkoŭ.
Varoniežskaja vobłaść i Krasnadarski kraj nie abviaščali «žoŭtaha ŭzroŭniu» na ŭsioj svajoj terytoryi, ale ŭviali abmiežavańni ŭ prymiežnych da Ukrainy rajonach. Toje ž samaje zrabili ŭ paŭnočnych rehijonach akupavanaha Rasijaj Kryma.
Pakul što nie ŭvodziła nijakich abmiežavańniaŭ tolki Rastoŭskaja vobłaść, prylehłaja da akupavanych Rasijaj z 2014 hoda rajonaŭ ukrainskaha Danbasa.