Da 60 tysiač dalaraŭ — dyrektaraŭ Pinskaha i Słuckaha miasakambinataŭ vinavaciać u «šeraj» schiemie
Dyrektaraŭ Pinskaha i Słuckaha miasakambinataŭ, načalnika addzieła źniešnieekanamičnaj dziejnaści AAT «Pinski miasakambinat» i pradstaŭnika zamiežnaj kamiercyjnaj struktury abvinavačvajuć u atrymańni i dačy chabaru. Sprava pieradadzienaja ŭ sud, paviedamlaje SK.
12.04.2022 / 11:33
Pavodle viersii śledstva, słužbovyja asoby i kiraŭniki kambinataŭ niekalki hadoŭ vybiralna adpraŭlali miasnuju pradukcyju na ekspart, addajučy pryjarytet «pryvatnikam», ad jakich jany atrymlivali chabary. Pamier takich «ŭznaharodžańniaŭ» moh składać da 10 tys. dalaraŭ. Ahulnaja suma atrymanych chabaraŭ — amal 60 tys. dalaraŭ.
Čacviarych abvinavačanych zatrymali supracoŭniki HUBAZiK na pačatku kastryčnika pry atrymańni čarhovaha chabaru. Słužbovym asobam miasapierapracoŭčych pradpryjemstvaŭ pradjavili abvinavačvańni pa č. 2 i č. 3 art. 430 KK («atrymańnie chabaraŭ u bujnym i asabliva bujnym pamierach» — karajecca terminam ad 10 i 15 hadoŭ kałonii), a pradstaŭniku kamiercyjnaj struktury — pa č. 3 art. 431 KK («dača chabaru ŭ asabliva bujnym pamiery» — da 10 hadoŭ pazbaŭleńnia voli).
Usie abvinavačanyja znachodziacca pad vartaj. Materyjały spravy pieradadzienyja prakuroru dla nakiravańnia ŭ sud.