«Rahatkami śpiecyjalnaha pryznačeńnia». Zaviedzienaja kryminalnaja sprava pa fakcie «abstrełu» biełaruskaj miažy
Śledčy kamitet Biełarusi zavioŭ kryminalnuju spravu pa fakcie «abstrełu» na biełaruska-polskaj hranicy.
12.04.2022 / 12:47
Śledstvam ustanoŭlena, što nočču z 10 na 11 krasavika polskija vajskoŭcy «abstralali» biełaruski punkt propusku «Piasčatka». Viedamstva śćviardžaje, što biełaruski narad ślapili strabaskopami i jon moh paciarpieć ad «abstrełu».
Na miescy zdareńnia znajšli kala 40 mietaličnych šarykaŭ. Na videa bačna, što abstreŭ vioŭsia z rahatak. SK Biełarusi nazyvaje ich «rahatkami śpiecpryznačeńnia».
Dziejańni palakaŭ kvalifikavanyja jak złosnaje chulihanstva, nakiravanaje na «padryŭ stabilnaści i paradku na dziaržaŭnaj hranicy».