Jeŭrakamisija vyrašyła, što apłata ŭ rublach za rasijski haz budzie parušeńniem sankcyj
Jeŭrapiejskaja kamisija pryjšła da vysnovy, što apłata za pastaŭki hazu ŭ rublach, jak hetaha patrabujuć ułady Rasii, budzie parušeńniem sankcyj. Pra heta paviedamlaje Meduza sa spasyłkaj na Bloomberg.
14.04.2022 / 11:42
Da taho ž, Jeŭrakamisija vyrašyła, što heta budzie i parušeńniem kantraktaŭ na pastaŭki, umovy jakich nie praduhledžvajuć źmienu valuty płaciažu.
Raniej mnohija krainy JeS zajavili, što nie buduć mianiać valutu apłaty.
U Jeŭrasajuzie paviedamili, što vypracujuć adzinuju pazicyju pa hetym pytańni na padstavie vysnovaŭ Jeŭrakamisii.
Raniej prezident Rasii Uładzimir Pucin daručyŭ pradavać rasijski pryrodny haz tak zvanym «niedružalubnym krainam» tolki za rubli, pakolki zamarozkaj rasijskich aktyvaŭ za miažoj, pavodle jaho, «kalektyŭny Zachad pierakreśliŭ davier» da ich valut.