Haradskaja rada Chiersona całkam pierajšła pad kantrol rasijskich vajskoŭcaŭ
Z budynka Chiersonskaj haradskoj rady źniali ściah Ukrainy. Rasijskija vajskoŭcy zabrali klučy ad budynka ŭ achovy, paviedamiŭ mer horada Ihar Kałychajeŭ.
25.04.2022 / 21:41
Meru i supracoŭnikam Chiersonskaj haradskoj rady zahadali pakinuć pamiaškańnie. Z zaŭtrašniaha dnia rada pracavać nie budzie.
Niahledziačy na toje, što bolšaja častka Chiersonskaj vobłaści Ukrainy, u tym liku i sam horad Chierson, užo daŭno byli zachoplenyja armijaj RF, haradskaja ŭłada Chiersona dahetul pracavała ŭ ramkach zakonaŭ Ukrainy i padparadkoŭvałasia Kijevu. Nad joj visieŭ ukrainski ściah.