Дачку Скоблы арыштавалі на 15 сутак
26-гадовую Сафію Скоблу затрымалі ў Мінску 26 красавіка і змясцілі ў ІЧУ на Акрэсціна. Учора над дзяўчынай адбыўся суд, паведамляе «Вясна».
29.04.2022 / 10:16
Па папярэдняй інфармацыі, міліцыянты склалі на яе пратакол за бранзалет у беларускіх нацыянальных колерах на руцэ. Гэта расцанілі як «несанкцыянаванае пікетаванне» (арт. 24.23 КаАП).
Скоблу прызналі вінаватай і арыштавалі на 15 сутак.