Maxar Technologies: Mietałurhičny kambinat «Azoŭstal» u Maryupali amal razburany
Spadarožnikavyja zdymki Maxar Technologies, apublikavanyja CNN, śviedčać pra toje, što mietałurhičny kambinat «Azoŭstal» amal razburany. U dachach budynkaŭ majucca vialikija dzirki, niekatoryja dachi całkam abrynulisia, a šerah budynkaŭ pieratvaryŭsia ŭ ruiny.
30.04.2022 / 18:33
Mnohija žyłyja i ŭradavyja budynki, raźmieščanyja niepasredna na ŭschod ad zavoda, taksama całkam razburanyja. Sa spadarožnikavych zdymkaŭ, adnak niezrazumieła, ci razburyli vajennyja ŭdary jakija-niebudź z padvalnych pamiaškańniaŭ.
Namieśnik kamandzira pałka «Azoŭ» Śviatasłaŭ Pałamar učora raskazaŭ CNN, što zavod intensiŭna abstrelvaŭsia artyleryjaj, karablami i avijaŭdarami.
«Jość padvały i bunkiery, da jakich my nie možam dabracca, tamu što jany znachodziacca pad zavałami, — skazaŭ jon. — My nie viedajem, žyvyja tam ludzi ci nie. Tam jość dzieci va ŭzroście ad čatyroch miesiacaŭ da 16 hadoŭ. Ale jość ludzi, zamknutyja ŭ miescach, kudy niemahčyma dabracca».