Аўтамабіль ДАІ патрапіў у сур'ёзнае ДТЗ з мікрааўтобусам
Увечары 5 траўня ў Ляхавіцкім раёне супрацоўнікі ДАІ Брэста на службовым аўтамабілі сутыкнуліся з мікрааўтобусам «Фальксваген». Міліцыя сцвярджае, што яны праследавалі матацыкліста.
06.05.2022 / 10:52
Аварыя адбылася на 13-м кіламетры аўтадарогі Р-4 «Баранавічы — Ляхавічы».
У ДАІ Брэста паведамляюць, што пацярпелых у ДТЗ няма, а пераслед матацыкла вёўся з уключанымі пробліскавымі маячкамі.
Мяркуючы па пашкоджаннях аўтамабіляў, удар быў спадарожны — у мікрааўтобуса разбітая задняя частка кузава, а ў легкавога аўтамабіля інспектараў пашкоджаны маторны адсек.
Абодва аўтамабілі пасля ўдару выкінула з праезнай часткі.
Ці затрыманы матацыкліст, не паведамляецца.