Tak vyhladaje kamiera Vaładarki, dzie siadzieŭ redaktar «Našaj Nivy»
Viazień, jaki siadzieŭ u adnoj kamiery z redaktaram «Našaj Nivy» Andrejem Skurko, paśla vychadu z Vaładarki namalavaŭ svaju kamieru.
09.05.2022 / 23:14
«Heta malunak majoj «chaty» 44, ŭ jakoj ja prabyŭ z 4/01/22 pa 18/04/2022. Chata pamieram 3 na 5 mietraŭ pryblizna. Nary ŭ 3 pavierchi.
U chacie było 15 čałaviek, 5 ź jakich — palityčnyja. U susiedniaj 43 — pałova palityčnych, u 60 — 12 palityčnych z 24.
Čałaviek sprava na narach — heta Andriej Skurko, jaki atrymaŭ 2,5 hady łahiera», — piša 48-hadovy Dzianis Nasura, analityk kampanii EPAM, jaki raźmiaściŭ hety malunak u fejsbuku.
44-hadovy Andrej Skurko — vybitny aŭtar i redaktar, adzin ź niekalkich tysiač palitviaźniaŭ. U nievynosnych umovach turmy jon napisaŭ knihu dziciačych vieršaŭ.