Hiensak AAN prapanavaŭ źmiakčyć sankcyi suprać biełaruskich i rasijskich uhnajeńniaŭ
Hienieralny sakratar AAN Antoniu Huteryš prapanuje źmiakčyć abmiežavańni na ekspart kalijnych uhnajeńniaŭ ź Biełarusi i Rasii. Pra heta paviedamlaje hazieta The Wall Street Journal sa spasyłkaj na krynicy. Pastajanny pradstaŭnik ZŠA pry AAN Linda Tomas-Hrynfiłd pacvierdziła, što pieramovy pa hetym pytańni iduć, piša Zerkalo.io.
17.05.2022 / 08:00
Havorka idzie ab tym, kab u abmien Rasija prapuściła sudny sa zbožžam z ukrainskich partoŭ.
Hazieta adznačaje, što ŭ pieramovach pa hetym pytańni ŭdzielničaje Turcyja, jakaja mahła b pryniać udzieł u raźminiravańni partoŭ i zabieśpiačeńni marskoha trafiku.
U vyniku zaklučeńnie takoj ździełki mahło b źmiakčyć charčovy kryzis. U AAN aścierahajucca, što rost cen na zbožžavyja i deficyt charčavańnia mohuć destabilizavać abstanoŭku ŭ biednych krainach, jakija zaležać ad ukrainskaha zbožža, i pryvieści da kanfliktaŭ.
AAN viadzie pieramovy z pradstaŭnikami Rasii i Ukrainy ab tym, jak možna razbłakavać kalidory ŭ Čornym mory, kab vyvieźci zbožža z Ukrainy. Pra heta zajaviła pastajanny pradstaŭnik ZŠA pry arhanizacyi Linda Tomas-Hrynfiłd na kanfierencyi pa zabieśpiačeńnia hłabalnaj charčovaj biaśpieki.
Jana paviedamiła, što 19 maja adbudziecca pasiadžeńnie Rady Biaśpieki AAN pry ŭdziele dziaržsakratara ZŠA Entani Blinkiena, dzie buduć abmiarkoŭvacca pytańni ab papaŭnieńni ŭkrainskaj sielhaspradukcyi na suśvietnym rynku.
Biełaruś źjaŭlajecca adnym z asnoŭnych hulcoŭ na suśvietnym rynku kalijnych uhnajeńniaŭ. Letaś ES uvioŭ zabaronu na pastaŭki i tranzit častki pradukcyi «Biełaruśkałija», ZŠA ŭviali sankcyi suprać samoj kampanii i BKK — aficyjnaha eksparciora pradukcyi. Da abmiežavalnych zachadaŭ dałučylisia Kanada, Vialikabrytanija.
U pačatku hetaha hoda Litoŭskaja čyhunka spynili transparciroŭku kalijnych uhnajeńniaŭ ź Biełarusi dla pastavak u trecija krainy.