Arciom Mileŭski patłumačyŭ, što ŭ kijeŭskuju terabaronu nie pajšoŭ z-za pryrodnaha pacyfizmu
Były hulec zbornaj Ukrainy pa futbole biełaruskaha pachodžańnia Arciom Mileŭski patłumačyŭ, čamu jon padčas vajny nie dałučyŭsia da terytaryjalnaj abarony, jak jahony siabar Alaksandr Ałijeŭ.
19.05.2022 / 23:04
Arciom Mileŭski ŭ formie minskaha «Dynama»
«Tak, Saša (Ałijeŭ) klikaŭ mianie ŭ terabaronu. Ale ja nie mahu stralać u ludziej. Kim by jany ni byli. Izrail tam, nie viedaju, Rasija. Jany, viadoma, končanyja. Toje, što jany narabili…
Ja nie budu ni ŭ kaho stralać. U Sani svoj vybar, svoj šlach. Ja dapamahaju pa-inšamu. To razhružajem što-niebudź, to kiefir, chleb kamuści pryniasiem na achovu. Chto čym. U kožnaha svoj vybar. I kožny dapamahaje pa-svojmu. To, moža, Saša byŭ i pakryŭdžany. Ale my ŭsio roŭna razam, my žyvyja», — skazaŭ Mileŭski.