Cichanoŭskaj, Kaleśnikavaj i Capkała 25 maja ŭručać prestyžnuju mižnarodnuju premiju imia Karła Vialikaha
Śviatłanie Cichanoŭskaj, Maryi Kaleśnikavaj i Vieranicy Capkała 25 maja ŭručać prestyžnuju mižnarodnuju premiju imia Karła Vialikaha.
23.05.2022 / 14:14
Jana prysudžajecca im za mužnaść, prajaŭlenuju ŭ baraćbie suprać represiŭnaha režymu Alaksandra Łukašenki.
Cyrymonija adbudziecca 25 maja ŭ niamieckim horadzie Achien, u karanacyjnym zale ratušy. Maryju Kaleśnikavu na ŭznaharodžańni budzie pradstaŭlać jaje siastra Taćciana Chomič. Z pramovaj vystupić ministarka zamiežnych spraŭ Hiermanii Analena Bierbak. Poŭnaja prahrama cyrymonii vykładziena tut.
Uviečary ŭ horadzie biaspłatny kancert daść Lavon Volski.
Mižnarodnaja premija imia Karła Vialikaha ŭručajecca z 1950 hoda za ŭniosak u abjadnańnie Jeŭropy. Prysudžaje jaje niamiecki horad Achien. U roznyja hady premiju atrymlivali takija viadomyja dziejačy, jak Anhieła Mierkiel, Emanuel Makron, Dala Hrybaŭskajcie, papa Francysk.