Шайгу прапанаваў кананізаваць Суворава, РПЦ пачала разгляд
Руская праваслаўная царква разгледзіць магчымасць кананізаваць знакамітага палкаводца Аляксандра Суворава.
24.05.2022 / 09:08
Фота Wikimedia
З ініцыятывай прылічыць палкаводца да ліку святых выступілі расійскія грамадскія дзеячы, а таксама кіраўнік Мінабароны Расіі Сяргей Шайгу.
У РПЦ адзначылі, што будуць сабраныя звесткі аб жыцці Суворава, а таксама аб наяўнасці або адсутнасці фактаў цудатворства. На аснове сабраных матэрыялаў праваслаўная царква вынесе рашэнне аб магчымай кананізацыі.
Паведамляецца, што Сувораў за сваю ваенную кар'еру ўзяў удзел у больш чым шасцідзесяці бітвах, не прайграўшы ніводнай. На тэрыторыі Беларусі Сувораў задушыў Паўстанне Касцюшкі, за што атрымаў зямельныя надзелы ў Кобрынскім старостве.