U Litvie zamarozili aktyvy aficyjnaha pradstaŭnika BMZ
U Litvie z-za sankcyj Jeŭrasajuza ŭ dačynieńni da Rasii i Biełarusi zamarozili srodki i akcyi 13 kampanij, paviedamlaje partał LRT sa spasyłkaj na Słužbu rasśledavańniaŭ finansavych złačynstvaŭ.
25.05.2022 / 22:06
Biełaruski mietałurhičny zavod. Fota: belsteel.com
Pad abmiežavańni, u pryvatnaści, trapili Vydmantai wind park (hrupa Inter RAO Lietuva), IDS Borjomi Europe, aficyjny pradstaŭnik Biełaruskaha mietałurhičnaha zavoda BMZ-Baltija i Amkodor Baltic.
Srodki pastaŭščyka mietałapradukcyi BMZ-Baltija byli zamarožanyja z-za suviaziaŭ z Alaksandram Łukašenkam, a fondy i akcyi EM System i EM Idustry i Amkodor Baltic — z-za suviaziaŭ ź biełaruskim bujnym bizneśmienam Alaksandram Šakucinym.
Pa apošnich dadzienych, u Litvie z-za mižnarodnych sankcyj, źviazanych z Rasijaj i Biełarussiu, zamarožanyja aktyvy na ahulnuju sumu kala 62,8 młn jeŭra.