У Польшчу спрабавалі правезці беларускія цыгарэты ў вагонах са шчэбнем
Супрацоўнікі польскай падатковай службы канфіскавалі кантрабандны груз з цыгарэт на чыгуначным памежным пераходзе. Іх везлі з Беларусі. На чыгуначным пераходзе ў Семяноўцы інспектары польскай падатковай службы знайшлі 200 тысяч пачкаў беларускіх цыгарэт.
26.05.2022 / 22:55
Фота: podlaskie.kas.gov.pl
Кантрабанду выявілі пры аглядзе трох цягнікоў, якія ішлі з Беларусі ў Польшчу. Пачкі цыгарэт хавалі ў грузах шчэбню, фанеры і драўнянай дранцы.
Калі б гэтыя цыгарэты незаконна прадалі на тэрыторыі Польшчы, то нанеслі б шкоду ў 4,5 мільёнаў злотых.
Фота: podlaskie.kas.gov.pl
Падляшская мытная і падатковая ўправа ў Беластоку апытала экіпаж цягнікоў, дэталёвыя абставіны здарэння высвятляюцца.