MARH abmiarkoŭvaŭ ź biznesam pieralik tavaraŭ paralelnaha impartu
Ministerstva antymanapolnaha rehulavańnia i handlu abmierkavała ź biznesam pieralik tavaraŭ dla paralelnaha impartu. Adbyłosia pasiadžeńnie hramadska-kansultacyjnaha (ekśpiertnaha) savieta pa raźvićci pradprymalnictva pry MARH, piša Reform.by.
27.05.2022 / 10:37
«U ramkach pasiadžeńnia razhledžanyja prablemnyja pytańni metazhodnaści farmavańnia pieraliku tavaraŭ u metach uviadzieńnia miechanizmu «paralelnaha» impartu, a taksama padychody da cenavaha rehulavańnia», — paviedamili ŭ pres-słužbie MARH.
Paralelny impart — uvoz tavaraŭ na terytoryju krainy biez dazvołu pravaŭładalnika.
Raniej ab padrychtoŭcy adpaviednaha zakonaprajekta paviedamiŭ pieršy vice-premjer Mikałaj Snapkoŭ. Paralelny impart užo byŭ uviedzieny ŭ Rasii paśla taho, jak šerah zachodnich kampanij syšoŭ z rynku hetaj krainy ŭ adkaz na ahresiju RF suprać Ukrainy.