Biełkaapsajuz raskručvaje kankurenta «Hrošyka» i «Śvietłafora» — dyskaŭntar «Miehaopt»
U Handlovym rejestry źjaŭlajecca ŭsio bolš zapisaŭ pra kramy «Miehaopt». Ich rehistrujuć na jurydyčnyja asoby Biełkaapsajuza. Na siońnia jość źviestki prykładna pra try dziasiatki takich kram, piša Office.Life. U asnoŭnym handlovyja abjekty paznačanyja jak dyskaŭntary.
29.05.2022 / 18:21
Krama «Miehaopt» u Stolinie. Fota: polese.by
Takoha farmatu ŭ Biełkaapsajuza jašče nie było. Hety prajekt moža skłaści kankurencyju sietkam «Hrošyk», «Dabracen» i «Śvietłafor». Choć apošnija taksama rychtujucca adkryć novyja kramy. Z rejestra vidać, što jany źjaviacca, naprykład, u Kalinkavičach i Minsku.
Pa kolkaści dyskaŭntaraŭ pakul što lidziruje «Śvietłafor», na druhim miescy — «Hrošyk», treciaje — u «Miehaopta», a čaćviortaje — u «Dabracena».
U 2021 hodzie dyskaŭntarami ŭ Biełarusi aficyjna dazvolili nazyvać tolki tyja kramy, dzie handlovaja płošča składaje ad 250 da 2,5 tys. kv. m. Tavary tam pavinny pradavacca «pa bolš nizkich cenach» (nacenka — nie bolš za 20%), raźmiaščacca na składskim abstalavańni (stełažach, paddonach i da t. p.) i, jak praviła, va ŭpakoŭcy vytvorcy.