Ułady Indaniezii dazvolili hramadzianam Biełarusi atrymlivać vizy pa prylocie
Z 30 maja dla atrymańnia vizy ŭ aeraporcie biełarusam treba mieć pry sabie zvarotny kvitok i pašpart, sapraŭdny jašče jak minimum šeść miesiacaŭ, pieradaje BPN.
29.05.2022 / 21:31
Vizu treba nabyvać u zale prybyćcia da pašpartnaha kantrolu. Jaje košt składaje 500 tysiač indaniezijskich rupij (kala 35 dołaraŭ).
Vizy pa prylocie taksama zmohuć atrymlivać hramadzianie Bachrejna, Bośnii i Hiercahaviny, Jehipta, Ijardanii, Kuviejta, Maroka, Amana, Pieru, Rasii, Sierbii i Ukrainy.