Čechija prymie ŭ siabie 500 rasijan i biełarusaŭ, jakija pieraśledujucca ŭładami
Ministerstva zamiežnych spraŭ Čechii apublikavała prahramu «Hramadzianskaja supolnaść», u ramkach jakoj kraina maje namier pryniać biełarusaŭ i rasijan, jakija pieraśledujucca ŭładami. Usiaho čechi hatovyja pryniać 500 čałaviek.
09.06.2022 / 22:02
Panarama Prahi. Fota: turizm.world
Jak skazana ŭ paviedamleńni MZS, meta prahramy — dapamahčy aktyvistam pakinuć svaju krainu, kali ŭ joj im pahražaje niebiaśpieka. Prahrama budzie realizoŭvacca na praciahu hoda, pryjom dakumientaŭ užo pačaŭsia (z 20 maja).
MZS Čechii paviedamlaje, što ŭ prahramu mohuć być uklučanyja hramadzianie Rasii i Biełarusi, jakija źjaŭlajucca hramadskimi aktyvistami, pravaabaroncami, supracoŭnikami niezaležnych miedyja, navukoŭcami i inšymi pradstaŭnikami hramadzianskaj supolnaści, jakija pieraśledujucca ŭładami na radzimie.
Asoby, jakija adpaviadajuć kryteryjam udziełu ŭ prahramie, a taksama ich blizkija svajaki, zmohuć źviarnucca z zajavaj u češskuju ambasadu. Ich zvarot u sproščanym paradku razhledziać na praciahu miesiaca.