Błohier Pavuk paprasiŭ praŭładnaha ekśpierta Ščokina prajaśnić zajavy pra toje, što Ukrainy nie isnuje. Što było dalej?
Andrej Pavuk apublikavaŭ videa svajoj razmovy z praŭładnym miedyjapiersanažam Mikałajem Ščokinym. Błohier paprasiŭ prakamientavać słovy pra toje, što Ukrainy, jaje naroda, kultury i mientalnaści niama i sama dziaržava — tolki kontury na mapie.
11.06.2022 / 15:53
«Vy hetym pytańniem čaho damahajeciesia? Kali vy dobra viedajecie historyju Ukrainy, vałodajecie kateharyjalnym aparatam, to vy sami adkažacie na heta pytańnie», — skazaŭ Ščokin.
«Dyk heta ž nie tak. Vy što!» — zapiarečyŭ Pavuk.
«Vy sami zadali pytańnie i sami adkazali. Nu dyk navošta mnie zvanić?» — spytaŭ prapahandyst.
Dalej Ščokin kaža, što jaho zajavy bazujucca na viedach, jakija jon uziaŭ z padručnikaŭ i encykłapiedyj, a taksama paraiŭ atrymać vyšejšuju adukacyju na histfaku BDU, u kancy razmovy kančatkova syšoŭšy ad adkazu i kinuŭšy słuchaŭku.
Mikałaj Ščokin, jaki pracuje namieśnikam addzieła sacyjałohii dziaržkiravańnia Instytuta sacyjałohii NAN Biełarusi, u dziaržSMI daje kamientaryi na lubyja temy, u asnoŭnym pafasna nachvalvajučy Łukašenku i paŭtarajučy chłuślivyja tezisy rasijskaj i biełaruskaj prapahandy.
Tak, paśla rašeńnia ŭładaŭ Kijeva ab prypynieńni pabracimskich stasunkaŭ z Minskam, jon nazvaŭ Minsk, Maskvu i Kijeŭ «tryma braterskimi siostrami».