Расію і Пуціна публічна падтрымаў Кім Чэн Ын
Кіраўнік КНДР Кім Чэн Ын заявіў пра поўную падтрымку прэзідэнту Расіі Уладзіміру Пуціну з боку свайго народа. Пра гэта гаворыцца ў віншавальнай тэлеграме з нагоды дня Расіі, якую апублікавала дзяржаўнае інфармацыйнае агенцтва КНДР ЦТАК.
12.06.2022 / 09:18
Кіраўнік адной з найбольш закрытых і рэпрэсіўных краін свету піша Пуціну:
«Пад вашым кіраўніцтвам расійскі народ, адважна пераадольваючы сустраканыя розныя выклікі і цяжкасці, дасягае вялікіх поспехаў у здзяйсненні справядлівай справы для абароны годнасці, бяспекі і правоў на развіццё краіны, чаму наш народ аказвае поўную падтрымку».
Пад «справядлівай справай», верагодна, маецца на ўвазе развязаная Пуціным вайна ва Украіне.