У Мінскім раёне хлопец загінуў пад коламі цягніка
Па інфармацыі следства, вечарам 15 чэрвеня на чыгуначных пуцях станцыі «Гарадзішча» ў Мінскім раёне трапіў пад цягнік 28-гадовы хлопец, паведамляе Следчы камітэт.
16.06.2022 / 18:59
Фота Следчага камітэта
Як мяркуецца, малады чалавек ішоў у бесправадных навушніках. Чахол ад іх знойдзены і канфіскаваны падчас агляду месца здарэння.
Відавочцы здарэння крычалі хлопцу, што набліжаецца цягнік, але ён іх не пачуў. Не звярнуў ён таксама ўвагі на забараняльныя гукавы і светлавы сігналы светлафора.
Па гэтым факце Мінскім раённым аддзелам Следчага камітэта праводзіцца праверка.
Фота Следчага камітэта