U Kalininhradzie advakatku aštrafavali pa artykule ab «dyskredytacyi» vojska RF z-za jaje vystupaŭ u sudzie
Leninhradski rajonny sud Kalininhrada aštrafavaŭ na 60 tysiač rubloŭ pa artykule ab dyskredytacyi rasijskaj armii advakatku Maryju Boncler za dva vystupy ŭ sudzie.
22.06.2022 / 10:01
Maryja Boncler. Fota: «Svaboda»
U abodvuch vypadkach advakatka abaraniała zatrymanych na antyvajennych akcyjach.
Jak havorycca ŭ pratakołach, 21 sakavika padčas suda advakatka zajaviła, što ličyć, što «Rasija napała na Ukrainu», a 23 sakavika na słuchańni jana skazała: «Niezrazumieła, što robić naša dziaržava. Napała na 16 abłaściej Ukrainy. Dla čaho?»
Taksama padčas pasiadžeńniaŭ jana dvojčy skazała słova «vajna».
«Miemaryjał» adznačaje, što heta pieršy vypadak, kali advakata pryciahnuli da administracyjnaj adkaznaści za pramovu ŭ sudzie.