Na reabilitacyju kamiercyjnaha dyrektara «Krumkačoŭ» Juryja Turejki sabrali bolš za 10 tysiač rubloŭ
Za tydzień pradali 626 kvitkoŭ i sabrali bolš za 10 tysiač rubloŭ dla siamji kamiercyjnaha dyrektara «Krumkačoŭ» Juryja Turejki. Dabračynny matč z «Isłačču» naviedali 770 čałaviek, paviedamlaje sajt kamandy.
23.06.2022 / 12:05
«My jašče raz pierakanalisia ŭ sile słova i ŭ tym, što pobač z «Krumkačami» znachodziacca ludzi, jakija zaŭsiody hatovyja adhuknucca na prośbu, jakija hatovyja dapamahčy i padtrymać», — piša kłub.
Usiu vyručku ad prodažu biletaŭ na matč kłub adpravić siamji Juryja.
1 maja Juryj Turejka kamientavaŭ hulniu «Krumkačy» — «Enierhietyk-BDATU», i prosta padčas matča ŭ jaho zdaryŭsia insult. Sa stadyjona jaho zabrała chutkaja. Byŭ jašče adzin insult u balnicy, potym infarkt, dva tydni komy i bolš za miesiac u reanimacyi. Juryj vyžyŭ. Ale ciapier patrebnaja ciažkaja reabilitacyja.
Padtrymać siamju Turejkaŭ možna pa spasyłcy.