Ukraina i Małdova aficyjna atrymali status kandydataŭ na ŭstupleńnie ŭ Jeŭrasajuz
Lidary Jeŭrapiejskaha sajuza na samicie ŭ Brusieli zacvierdzili rašeńnie nadać Ukrainie i Małdovie status kandydataŭ na ŭstupleńnie ŭ ES.
23.06.2022 / 22:29
«Pahadnieńnie. Jeŭrapiejskaja rada tolki što vyrašyła dać status kandydataŭ u ES dla Ukrainy i Małdovy. Histaryčny momant. Siońnia vyrašalny krok na vašym šlachu ŭ ES. Vinšuju Uładzimira Zialenskaha i Maju Sandu i narody Ukrainy i Małdovy. Naša budučynia razam», — napisaŭ u tvitary prezident Jeŭrapiejskaj rady Šarl Mišel.
Rašeńnie było ŭschvalenaje na asnovie rekamiendacyi Jeŭrapiejskaj kamisii, pradstaŭlenaj 17 červienia.
«Siońnia ŭdały dzień dla Jeŭropy. Vinšuju prezidenta Ukrainy Uładzimira Zialenskaha, prezidenta Małdovy Maju Sandu i premjer-ministra Hruzii Irakłija Harybašvili. Vašyja krainy źjaŭlajucca častkaj našaj jeŭrapiejskaj siamji. I siońniašniaje histaryčnaje rašeńnie lidaraŭ heta pacviardžaje», — zajaviła prezident Jeŭrakamisii Ursuła fon der Lajen.
Hruzija, jak i mierkavałasia, aficyjnaha statusa kandydata pakul nie atrymała, ale joj vystavili dadatkovyja ŭmovy, zaachvociŭšy sam zadadzieny jeŭrapiejski kurs.
Jeŭrakamisija ŭ vysnovy adnosna adpaviednaści Ukrainy patrabavańniam dla dziaržavy-kandydata prapanavała, kab ES mieŭ prava admianiać hety status u vypadku, kali Ukraina parušyć svaje abaviazalnictvy.
Jeŭrasajuz nie vyznačyŭ dakładnuju datu, da jakoj Ukraina pavinna dakazać zdolnaść pravodzić reformy. U prapanovie vyznačana, što pieršuju acenku Jeŭrakamisija praviadzie ŭ kancy 2022 hoda, adnak dla adnaŭleńnia reformaŭ va Ukrainie pavinny zaviaršycca bajavyja dziejańni, tamu termin moža być, i chutčej za ŭsio budzie, padoŭžany.