Andrej Skurko pačaŭ novy cykł dziciačych vieršaŭ — pra mašynki
Žonka palitźniavolenaha našaniŭca Andreja Skurko Paŭlina nadrukavała ŭ fejsbuku novyja dziciačyja vieršy muža, napisanyja za kratami. «Kožny ratujecca jak moža. Andrej piša cykł pra mašynki, a my jaho vučym. Mo i jašče chto zachoča vyvučyć», — piša jana. I heta sapraŭdy varta taho.
29.06.2022 / 20:25
Voś što, chłopčyki-dziaŭčynki:
pahulajem u mašynki!
Adčyniajcie haražy —
chto što maje — pakažy!
Honačnaja mašyna
Ad kanapy da bałkona —
heta trasa dla razhonu.
Pa kvatery biezupynku
mčyć čyrvonaja mašynka.
Dzie my tolki ni byvali:
i pad šafu zalatali,
i pad nohi dziadziu Kościu,
što pryjšoŭ adnojčy ŭ hości,
i za vannu, i ŭ kastrulu,
i ŭ tapak da dziaduli…
Jak pahonić mama ŭ spalniu —
tam i skončym naša ralli.