Čyhunačniku z Oršy za abrazu Łukašenki dali paŭtara hoda kałonii
Sud Oršy i Aršanskaha rajona 4 lipienia vynies prysud miascovamu žycharu Alaksieju Čekielu, jakoha abvinavacili ŭ abrazie Łukašenki (č. 1 art. 368 Kryminalnaha kodeksa).
04.07.2022 / 14:38
Spravu razhladała suddzia Jułija Viaršynina, paviedamlaje «Viasna».
Pra Čekiela viadoma, što da zatrymańnia jon pracavaŭ na čyhuncy, ź miesca pracy ŭ sud pradstaŭlenaja stanoŭčaja charaktarystyka.
Pavodle materyjałaŭ abvinavačańnia, Alaksiej Čekiel pakinuŭ dva abraźlivyja kamientaryi pad pastami pra Alaksandra Łukašenku ŭ hrupach «Vikinh» i «Maja kraina Biełaruś».
Sud paličyŭ źmiakčalnymi abstavinami najaŭnaść u abvinavačanaha na vychavańni niepaŭnaletniaha syna.
Suddzia Viaršynina pryznała vinu Čekiela dakazanaj i prysudziła jamu pazbaŭleńnie voli ŭ kałonii ahulnaha režymu terminam na paŭtara hoda.