Mižnarodnaja chakiejnaja fiederacyja adchiliła apielacyi biełarusaŭ i rasijan na niadopusk zbornych da hulniaŭ
Mižnarodnaja fiederacyja chakieja (IIHF) adchiliła apielacyi fiederacyj chakieja Biełarusi i Rasii na admovu dapuścić ich zbornyja da spabornictvaŭ, jakija ładzić arhanizacyja. Pra heta havorycca ŭ zajavie IIHF.
05.07.2022 / 18:45
«My vitajem vierdykt Dyscyplinarnaj rady, jaki padtrymlivaje rašeńnie Rady IIHF ab zabaronie ŭdziełu zbornych Rasii i Biełarusi i ab admienie dvuch prahramnych mierapryjemstvaŭ, jakija pavinny byli adbycca ŭ Rasii ŭ nastupnym hodzie», — zajaviŭ kiraŭnik IIHF Luk Tardzif, majučy na ŭvazie adklikańnie pravoŭ na praviadzieńnie čempijanata śvietu siarod junijoraŭ 2023 hoda i čempijanata śvietu-2023 siarod nacyjanalnych kamand.
Tardzif tłumačyć, što takoje rašeńnie było pryniata «dziela biaśpieki i dabrabytu hulcoŭ, piersanała, aficyjnych asob, ŚMI i hledačoŭ».
U zajavie IIHF padkreślivajecca, što rašeńnie kančatkovaje, ale jano moža być abskardžana ŭ Spartyŭnym arbitražnym sudzie.
27 traŭnia zbornym Biełarusi i Rasii zabaranili ŭdzielničać u čempijanacie śvietu 2023 hoda. Pryčyna — sankcyi suprać abiedźviuch krain praź ich ahresiju suprać Ukrainy.