Rasijski rubiel siońnia patańnieŭ adrazu na 38 kapiejek
Na tarhach na biržy ŭ Minsku rasijski rubiel apuściŭsia na 38,75 kapiejek, da 4,2758 biełaruskaha za 100 adzinak.
06.07.2022 / 10:41
Jašče dva tydni tamu rubiel ros, tak na tarhach 29 červienia jon pastaviŭ rekord: 4,9705 biełaruskaha za 100 adzinak.
Na pačatku hoda rasijski rubiel kaštavaŭ 3,4322, a jaho minimum składaŭ 2,7395 (było heta 10 sakavika).
Dalar siońnia raście amal na čatyry kapiejki (+3,94) da 2.7048, jeŭra ŭ Minsku vyras na 3,92 kapiejki, da 2,7831.
Tym časam na suśvietnych rynkach jeŭra praciahvaje tańnieć u dačynieńni da dalara i ciapier suadnosiny składajuć užo 1,02, heta minimum za 20 hadoŭ.