Kab zaachvocić płacić kamunałku, u Minsku pakidajuć na paštovych skryniach nalepki «Daŭžnik»
Pra taki sposab baraćby ź niepłacielščykami raspaviała dyrektarka DP «Minskkamunciepłasietka» Natalla Roščyna.
21.07.2022 / 08:53
«Rabotniki pradpryjemstva ŭ volny čas abychodziać damy našych niepłacielščykaŭ i nanosiać na ich paštovyja skryni nalepki «Zapłaci za žyllova-kamunalnyja pasłuhi» i «Daŭžnik» biez ukazańnia asabistych źviestak adrasataŭ. I heta maje efiekt», — raspaviała «Minsk-navinam» Roščyna.
Pa jaje słovach, niepłacielščyki składajuć nievialiki pracent ad ahulnaj kolkaści spažyŭcoŭ, ale niedapłačanaj sumy nie chapaje dla paŭnavartasnaj ramontnaj kampanii.
Roščyna źviazvaje prablemu skaračeńnia terminaŭ adklučeńnia haračaj vady viasnoj i letam z prablemaj nieapłaty kamunałki.