Minadukacyi raskazała, što možna vybirać u jakaści raspaznavalnaha elemienta školnaj formy
Biełaruskija škoły da 1 žniŭnia pavinny vyznačycca z tym, jakija pradmiety harderoba stanuć admietnymi ŭ školnaj formie ich vučniaŭ u novym navučalnym hodzie. Pra heta paviedamiła pres-słužba Minadukacyi.
29.07.2022 / 18:50
Adzin z varyjantaŭ školnaj formy, prapanavanych Ministerstvam adukacyi
Ministr adukacyi Andrej Ivaniec raskazaŭ, što mienavita moža być takimi pradmietami harderobu. Pavodle jaho słoŭ, možna vybrać admietnym elemientam štany, žakiety, spadnicy, kašuli z naniesienym łahatypam ustanovy adukacyi (značok abo emblema). Taksama heta moža być asablivy aksesuar: halštuk ci chustka.
Admietna, što niadaŭna Minadukacyi jakraz krytykavała adnu sa słuckich škoł, jakaja abrała admietnym elemientam formy chustku. Tady ŭ svaim telehram-kanale Ministerstva adznačyła, što «elemient školnaj formy — heta nie značok, nie halštuk i nie chustka» i što atrybut treba vybirać z katałoha školnaj formy. Ale ciapier, jak vyhladaje, čynoŭniki pieradumali.