«Cmoki-Minsk» kančatkova pierajmienavalisia ŭ «Minsk». I stvaryli dziŭny łahatyp
U siabie ŭ sacyjalnych sietkach «Cmoki-Minsk» abnavili łahatyp i nazvu kłuba. Ciapier jon nazyvajecca «Minsk», paviedamlaje «Trybuna».
01.08.2022 / 10:02
Pryčym na sajcie kamandy prapanoŭvajucca tolki dva varyjanty novaj nazvy: pa-rusku i pa-anhlijsku. Taksama byŭ prezientavany novy łahatyp, na jakim składana pračytać nazvu kamandy. Ale ŭ kłubie ličać, što jon syhraje važnuju rolu ŭ paznavalnaści kłuba.
Nazva «Cmoki-Minsk» zjaviłasia ŭ 2012 hodzie, da hetaha jon nazyvaŭsia «Minsk-2006».
Brend «Cmoki-Minsk» prydumaŭ viadomy baskietbalist Alaksandr Kul, jaki byŭ u kłubie dyrektaram pa markietynhu. U krasaviku 2021-ha da jaho prychodzili siłaviki.
Raniej paviedamlałasia, što kłub praviadzie rebrendynh paśla zaviaršeńnia siezona 2021/22.