Bieły dom vydzialaje jašče adzin pakiet vajskovaj dapamohi Ukrainie. Jon užo 17-y
Kaardynatar Savieta nacyjanalnaj biaśpieki ZŠA pa stratehičnym kamunikacyjach Džon Kirbi ŭ paniadziełak raskryŭ padrabiaznaści novaha pakieta vajennaj dapamohi Ukrainie. Pra heta paviedamlaje «Jeŭrapiejskaja praŭda».
01.08.2022 / 22:17
Džon Kirbi
Sa słoŭ Kirbi, padrabiaznaści vajskovaj dapamohi abmiarkoŭvalisia padčas telefonnaj razmovy pradstaŭnikoŭ Ukrainy i ZŠA pierad hetym.
Košt vydzielenaha pakieta dapamohi składaje 550 miljonaŭ dalaraŭ.
«U abjaŭlenym siońnia pakiecie buduć dadatkovyja snarady dla vysokamabilnych udaskanalenych rakietnych sistem HIMARS, a taksama bojeprypasy dla artyleryi kalibra 155 milimietraŭ, jakaja ŭžo była pieradadzienaja Ukrainie», — adznačyŭ pradstaŭnik Biełaha doma.
Pa słovach Kirbi, heta ŭžo 17-y pakiet vajskovaj dapamohi administracyi Džo Bajdena, jaki vydzialajecca prezidenckimi ŭkazami z zapasaŭ armii ZŠA. Ich ahulnaja suma składaje ŭžo bolš za vosiem miljardaŭ dalaraŭ.
Nieŭzabavie Džo Bajden padpisaŭ miemarandum ab vydzialeńni Ukrainie hetaha pakieta dapamohi. Novyja pastaŭki Kijevu buduć uklučać 75 tysiač snaradaŭ dla 155-milimietrovych haŭbic M777, a taksama rakiety dla kompleksaŭ HIMARS.