Indyjski krasovier Mahindra Scorpio-N zrabiŭ furor, za chvilinu aformlena 25 000 pieradzamoŭ
Usiaho za chvilinu kampanija sabrała 25 000 zajavak na kuplu, pryčym zajaŭki — z depazitam u pamiery 227 dołaraŭ. Paśla hetaha sajt kampanii ŭpaŭ. Pastaŭki pieršych aŭto abiacanyja 26 vieraśnia.
07.08.2022 / 18:04
Mahindra da śniežnia źbirajecca vyrabić bolš za 20 000 aŭto, tak što jość šaniec, što ŭsie aŭto, zakazanyja ŭ pieršuju chvilinu, buduć dastaŭleny svaim uładalnikam da kanca hoda.
Čamu Mahindra Scorpio-N staŭ chitom u Indyi? Košt bazavaj viersii składaje $ 15 200, košt topavaj — $ 24 700. A z pačatkam šyrokamaštabnych prodažaŭ aŭtamabil padaražeje.
Krasovier abstaloŭvajecca 2,0-litrovym bienzinavym ruchavikom mStallion mahutnaściu 197 konskich siłaŭ i dyzielnym ruchavikom mHawk z abjomam 2,2 litra i mahutnaściu 175 konskich siłaŭ.
Abodva spałučajucca ź miechaničnaj KPP abo aŭtamatyčnaj šaścistupiennaj karobkaj pieraklučeńnia pieradač. Bazavyja viersii — monapryvadnyja, topavyja — poŭnapryvadnyja.