Адзін з абаронцаў «Азоўсталі» памёр у СІЗА ў «ДНР»
Гаворка ідзе пра ўдзельніка «дывэрсійна-штурмавой групоўкі «Мядзведзі». Яго імя не называецца.
09.08.2022 / 10:07
Абаронца «Азоўсталі». Ілюстрацыйнае фота AP
Прычынай смерці абаронцы «Азоўсталі», па даных ТАСС, сталі ускладненні хранічных захворванняў і пагаршэнне здароўя «з-за наркотыкаў».
У «ДНР» удзельнікаў групы «Мядзведзі» абвінавачваюць у стварэнні ўзброенага фармавання, удзеле ў ім, а таксама ў дзеяннях, накіраваных на гвалтоўны захоп улады.
Абвінавачванне патрабуе для ўсіх падсудных смяротнае пакаранне. Чакаецца, што суд абвесціць вердыкт 10 жніўня.
10 ліпеня ўлады «ДНР» паведамілі пра смерць «ад хвароб і стрэсу» палоннага падданага Вялікабрытаніі Пола Уры.